Èske ou Gen Plis pou Pèdi?
Ou fè bèl efò nan dènye mwa ki sot pase yo! Si w genyen plis pwa pou w pèdi, pa enkyete w. Ou kapab fè l!
Sonje, li pi bon pou w pèdi 1 a 2 liv pa semèn. Se yon pwosesis gradyèl li ye e se meyè fason pou w fè l. Pran pasyans.
Istwa Jarnel
Premye fwa mwen te eseye pèdi pwa, mwen te pèdi 7 liv, men mwen te vle pèdi plis. Mwen pat ekri anpil bagay, akoz mwen pat panse mwen te oblije fè sa. Lè mwen te santi m kole, mwen te deside pito m te eseye kontwole pi byen. Mwen te ekri ki egzèsis mwen te fè nan yon kaye bò tèt kabann mwen nan fen jounen an. Li te ede m anpil! Mwen pèdi yon lòt 10 liv apresa. Kounye a doktè mwen avèk mwen nou toude kontan ak kote mwen ye a.
Kisa pou fè
Pale ak doktè w la. Yo ka ede w detèmine ki kantite pwa pou w pèdi anplis epi yo ka ba w kèk ide.
Pale ak yon dyetetis. Doktè w la ka konekte w ak youn.
Rekalkile objektif kalori w pou chak jou. Voye je ankò sou Objektif Kalori w yo oubyen voye yon mesaj pou responsab swen w lan epi mande ki objektif kalori ou dwe sible kounye a.
Jwenn yon kanmarad pou pèdi pwa. Si w poko jwenn yon zanmi ki gen objektif sante similè, jwenn youn kounye a!
Etabli objektif. Se pou yo reyalis ak espesifik. Eseye: "Mwen pral mache pandan 15 minit, 4 fwa pa semèn" olye w di, "Mwen pral fè plis egzèsis."
Kontwole pwogrè w. Regade atik Kontwòl la.
Atann ou a fay ak plafònman. Sa yo nòmal e ou ka pase kap sa yo! Fè lekti sou yo nan Rete Sou Bon Chimen an ak Plafònman Pèdi Pwa yo.
Revizyon. Reflechi sou kisa ki te byen pase pou ou nan pwogram sa a ak kisa ou ka amelyore sou yo.
Pèdi pwa = manje sa ki bon pou sante + fè aktivite fizik
Èske w te bay toulede menm kantite tan ak atansyon nan dènye mwa ki sot pase yo?
Èske w dwe konsantre w plis sou youn plis pase lòt la pou w retounen sou bon chimen an?
Èske ou gen kesyon? Voye yon mesaj pou responsab swen w lan.