Reflechi sou epi Fè Rapèl pou Objektif ou yo
Ou deja gen apeprè 4 semèn depi w nan pwogram lan, sa se si w te tcheke toulejou! Èske w santi w sou bon chimen an ak pwojè pèdi pwa w la?
Si w pa sou bon chimen an
Ann ogmante l! Se pou vreman konsantre w sou kalori yo.
Gade jounal ou yo. Bay tèt ou kredi pou siksè w yo. Kontinye fè sa ki ba w bon rezilta.
Epi pran yon nouvo defi.
Petèt li lè pou konte kalori pandan yon semèn? Aprann kisa wap absobe reyèlman.
E si w ta ogmante aktivite w fè toulejou? Pouse tèt ou. Degaje w boule kalori!
Pou ka gen kèk chif solid nan jounal ou, itilize Zouti Kalori Alimantè (Food Calorie Tool) ak Get Moving! zouti pou boule kalori.
Si w sou bon chimen an
Konpliman epi kontinye pran sa ki fre! Se oumenm sèlman ki konnen kisa ki mache ak kisa ki pa mache:
Siveye obstak ki antrave siksè. Planifye pou simonte yo.
Planifye fè yon bagay ou vreman vle fè tankou yonnouvo klas egzèsis. Petèt ou ka mache rapidman ak yon zanmi w pa wè depi lontan. Oubyen yon liv kuizin ki enspire w nan bibliyotèk la.
Mete objektif aksyon w yo ajou
Planifye davans pou fè semèn kap vini sa a yon siksè! Pou rezime ak planifye davans, make:
De (2) objektif manje ak aksyon aktivite pou jou kap vini yo. Yo ka se menm objektif yo, oswa yo ka se objektif revize oswa nouvo objektif.
Kisa ki mache byen pou ou.
Kisa ou pral chanje ak evite.
Siksè w yo, gwo ak piti. Make chak aksyon ou te planifye atenn!
Kèlkeswa kantite pwa w pèdi a, kit li anpil, kit li pa anpil, fè l mache!
Si w bezwen fè reglaj, fè reglaj.
Konsantre w, planifye epi fè sa w planifye a!