Reflechi sou epi Fè Rapèl pou Objektif ou yo
Byenvini nan dezyèm kontwòl sou pwogrè w la!
Anvan w kòmanse travay sou 2 objektif aksyon w yo pou semèn sa a, ann gade:
Objektif kalori pou chak jou.
Jounal sou manje ak bwason w.
Jounal aktivite w fè.
Kisa ki mache byen? Kisa ki pa mache byen?
Pran nòt oubyen ansèkle sa ki bon ak sa ki pa bon.
Pwomèt tèt ou ke w pral:
Kontinye ak siksè w yo. Se bagay sa yo ki pral transfòme w pou vin yon moun ki pi anfòm, ak an pi bon sante.
Travay sou bagay ki difisil yo. Se sou bagay sa yo pou konsantre objektif aksyon yo.
Kontwòl sou objektif aksyon
Ann tcheke sou 2 objektif aksyon w yo:
Si w metrize yon objektif ki baze sou aksyon, konpliman pou nouvo abitid ou! Annou fikse yon lòt objektif aksyon.
Pou yon objektif kap pwogrese toujou, èske w senpleman bezwen plis tan? Oubyen si w revize objektif la, èske sa ka ede w?
Prepare w pou ka gen siksè. Pou nenpòt chanjman wap fè, chèche konnen kisa ki gen tandans bloke w. Chèche konn kisa l ye ekzakteman. Paregzanp, "Nou pap achte sirèt nan aparèy ki vann kolasyon ankò. Kijan? Mwen pap kite okenn pyès venn-senk kòb sou biwo m."
Mizajou sou objektif aksyon
Pou rezime ak planifye davans, make:
De (2) objektif manje ak aksyon aktivite pou jou kap vini yo.
Kisa ki te mache byen pou ou.
Kisa ou pral fè yon lòt fason fwa sa a.
Siksè w yo, gwo ak piti. Kenbe yon lis sou chak objektif aksyon ou akonpli!
Raple tèt ou
Reflechi ankò sou rezon pèsonèl ou, sou rezon djanm ki fè w vle pèdi pwa.
Se sa w vle. Degaje w fè sa epi pa devye objektif la!