Kòmanse Manje Sa Ki Bon Pou Lasante
Men sa pou vizyalize: Nan 3 mwa, wap manje manje ki pi sen, ki pi bon pou lasante pase sa w te konn manje anvan. Ou parèt pi bèl. Ou santi w pi byen!
Ki pi bon fason pou rive la? Men kèk konsèy nap ba w.
Fikse yon nouvo objektif ki baze sou semèn aksyon
Planifye pou fè ti chanjman senp nan fason w manje. Petèt ou ka diminye sou kantite kalori w pran nan bwason ki chaje ak kalori. Epitou:
Konsantre w sou yon objektif SMART ki byen Espesifik, ki Mezirab, Reyalizab, Reyalis, ek ki baze sou Tan. Tankou, "Mwen pral bwè moka m pito a lè madi ak lè samdi lè m fin fè egzèsis kadyo pou inèdtan nan djim. Map pran yun 12 ons (olye de 16 ons)."
Pran angajman an. Ekri l epi mete l kote w ka wè l souvan.
Menm si w fè erè, pa kanpe. Fè l jouk ou vin bon ladann! Fè l tounen yon nouvo abitid.
Semèn pwochèn, kòmanse ak yon lòt chanjman. 1 objektif ou fikse chak semèn se 1 nouvo abitid chak semèn.
Pi bon abitid poupran pou manje sa ki bon pou lasante
Debarase de manje ki chaje ak kalori, grès ak sik ki ba w ba w anvi manje yo.
Pa kite grangou depase w. Manje ti repa ak ti goute antretan.
Planifye ak prepare davans ti goute ak repa ki bon pou lasante.
Bwè yon vè dlo anvan w manje.
Manje jouk ou satisfè. Kanpe. (Pa tann jouk vant ou plen.)
Ekri tout sa w manje nan yon jounal. Sa ede w planifye ak wè ki kote w fè chanjman yo.
Chwa manje ki bon pou lasante
Chwazi legim, fwi ak sereyal konplè. Yo chaje ak eleman nitritif epi yap ede w ranpli vant ou!
Chwazi opsyon pwodui letye ki pa gen anpil grès.
Chwaze moso vyann mèg yo koupe. Retire tout grès ki vizib.
Griye manje w oswa kuit li nan fou, oswa kuit li ak vapè oswa griye l sou fòm babekyou. Piga fri l.
Evite oswa diminye bwason ki gen sik ak alkòl. Yo chaje ak kalori vid!