Fo Kwayans sou Aktivite Fizik
Aprann kisa ki se verite, ak kisa ki pa verite, sou aktivite fizik.
Fo kwayans: Aktivite fizik konte sèlman si ou fè li pandan peryòd tan ki long.
Reyalite: Ti epizòd egzèsis kapab amelyore sante ou tou. Separe sesyon yo pou yo adaptab a orè ou. Li mye pou w fè omwen 2 zèdtan 30 minit egzèsis modere chak semèn. Ou kapab repati sesyon sa yo sou tout semèn nan e ou ka menm fè ti bout sesyon kout 10 minit aktivite 3 fwa pa jou pandan 5 jou oswa plis pa semèn.
Ti Konsèy rapid
Etabli ti bout sesyon aktivite fizik kout nan jounen ou.
Nan travay, pran yon ti repo 10 minit pou w fè lamach. Oubyen fè yon reyinyon "etan wap mache" olye w "chita".
Pran eskalye yo. Desann otobis la 1 arè anvan pa w la. Rankontre yon zanmi pou w al mache, olye w al manje.
Fo kwayans: Egzèsis antrènman miskilè yo pa yon bon fason pou w pèdi pwa akoz yo pral fè w "vin miskle."
Reyalite: Lè w fè bagay tankou pouchòp ak kèk tip yoga sa pap fè w vin miskle. Aktivite ranfòsman misk pral ede w amelyore sante w. Yo ka ede w kontwole pwa w tou akoz misk boule plis enèji. Fè egzèsis antrènman miskilè omwen de fwa pa semèn.
Ti Konsèy rapid
Fè travay nan kay oswa nan lakou kap fè w soulve oswa fouye kapab ede w vin gen misk ki solid.
Enpòtan
Sonje pou w pale ak pwofesyonèl swen w lan anvan w chanje woutin aktivite fizik ou.
Pa annik ret chita!
Nou pase anpil tan chita. Chita bò biwo, nan machin, epi devan ekran.
Repati tan w fè chita a nan leve epi bouje enpe, menmsi se sèlman pou 10 minit alafwa.
Nan plizyè jou ak plizyè semèn, minit sa yo pral akimile.
Objektif pou jounen an
Planifye pou w fè omwen 10 minit aktivite fizik 3 fwa pa jou pandan 5 jou oswa plis pa semèn.