Doulè ak Kranp
Lè w gen doulè ak kranp, se siyal ki montre misk ou yo ap abitye ak yon nouvo bagay. Yo ka fè w mal, men wap santi w byen ou difèt ke w konnen misk ou yo ap vin pi djanm.
Lè w fin li sa a, wap byen konprann pouki rezon yo di w pou chofe, refwadi epi detire toutan!
Men kijan pou anpeche doulè ak kranp
Se dousman pou w ogmante yon nouvo egzèsis, pa fè l twòp epi kontwole konbyen tan w fè l. Se sa pwogram sa a fè pou w epi l pèmèt kò w vin abitye avèk li.
Mete chosèt ak soulye ki mezi pye w e ki fèt pou aktivite fizik.
Bwè anpil dlo anvan, pandan epi apre aktivite.
Pa bliye pran ase sèl ak lòt mineral nan dyèt ou. Si w gen tansyon wo oswa si w sou yon dayèt fèb-sèl, pale ak doktè w pou konnen ki kantite sodyòm ki bon pou ou.
Fè egzèsis echofman dabò, epi fè mouvman pou refwadi apre chak aktivite fizik. Egzèsis pou refwadi yo ede kò w debarase l de asid laktik (se li ki bay doulè) nan misk ou.
Men sa pou w fè si w gen doulè miskilè
Krèm ki soulaje doulè, glas oswa pad chofan ka bay kèk soulajman.
Fè kèk aktivite fizik dousman pou ka fè misk kap fè mal yo bouje.
Ti Konsèy
Menm si w gen doulè, al fè ti yon ti mache.
Si w pa fè okenn aktivite fizik, lap fè doulè a vin pi mal.
Men sa pou w fè si w gen yon kranp miskilè
Detire misk la dousman epi kenbe l detire jiskaske kranp la kalme.
Mase kote w gen kranp la.
Si malgre tou li fè w mal, mete glas sou msik ki ba w kranp la pandan kèlke minit. Itilize yon sèvyèt. Pa mete glas sou po w dirèkteman.
Si w gen enkyetid konsènan kranp miskilè oswa doulè, konsilte doktè w. Ou kapab tou voye yon mesaj pou responsab swen w lan.
Enpòtan
Si w gen doulè ki anpeche w fè egzèsis, pale ak doktè w oswa responsab swen w.