Suiv Pakou w la!
Li lè pou bati sou reyisit ou yo ak planifye pou lavni.
Si w poko atenn objektif pwa w sible a, wap kontinye pèdi pwa lantman, defason konsistan. Wap rive kanmèm!
Si w kontan ak pwa w genyen kounye a, wap kenbe pwa w pèdi a. Ou pap reprann ni!
Kontwòl pwa gen anpil rapò ak Règ Ekilib Enèji a:
Pou w pèdi pwa, se pou w konsome mwens kalori pase sa kò w boule. (Oubyen, boule plis pase sa w pran.)
Pou w mentni pwa w pèdi a, se pou w konsome otan kalori pase sa kò w boule. Avèk esè ak erè, wap aprann bay kò w manje sa l bezwen, pa plis ni mwens.
Pou w pèdi oubyen pou w mentni pwa, wap gen enèji ak nouvo abitid manje ak egzèsis ki bon pou sante yo.
Planifye ke wap bezwen plizyè mwa pratik anvan nouvo abitid ou yo rive tounen yon woutin pou ou. Atann ou aske w pral gen kèk fay ak kontraryete. Sa se bagay ki nòmal.
Rete sou bon chimen an
Rete konsantre sou:
Rezon kifè w bezwen rive nan yon pwa ki bon pou sante. Reflechi sou sa souvan.
Tandans ou pou pwa w chak semèn. Èske lap monte oubyen lap desann?
Objektif pou w rete aktif.
Objektif pou alimantasyon ki bon pou sante.
Meyè taktik pou jere obstak, tantasyon, ak kontraryete.
Siveye egzèsis ak kisa wap manje ak bwè ak kantite w manje ak bwè. Se pou konsyan de objektif kalori w pou chak jou ak kantite kalori ou absòbe.
Pase tan ak moun ki konprann ou e ki sipòte objektif ou.
Fikse yon nouvo objektif pou pèdi pwa
Li bon pou sante w e li san danje lè w pèdi pwa 1 a 2 liv chak semèn. Deside kounye a kisa ou vle pou nouvo objektif pwa pou pèdi a ye, epi konbyen semèn ou pral bay tèt ou pou w rive la. Voye yon mesaj pou responsab swen w lan konsènan nouvo objektif ou a si w gen youn!
Pandan pwochen jou yo, kite tèt ou jwenn enspirasyon.
Nou pral voye nouvo ide sou aktivite fizik pou ou ak kijan pou w kenbe chanjman yo ajou!