Soulye kap Bouje
Kounye a ke wap fè plis aktivite fizik, asire w ke soulye w yo kapab kenbe konpa a!
Li enpòtan anpil pou w mete bon kalite soulye yo pou w konfòtab ak an sekirite. Yo pral ede w pwofite pi blis posib de egzèsis ou yo.
Men kèk ti konsèy pratik pou w jwenn bon soulye pou ou yo:
Chèche plizyè kote pou divès estil ak mak komèsyal. Mande vandè a pou l ede w chwazi soulye ki pi bon pou kalite egzèsis ou chwazi fè a.
Ale nan yon magazen atletik epi pran mezi pou soulye ki bon pou lajè pye w, vout ou yo, ak demach ou.
Lè wap eseye nouvo soulye, mete kalite chosèt ou pral mete pandan wap fè aktivite fizik. Mete chosèt an koton oubyen chosèt atletik. Sa pral evite zanpoud.
Pye w vin lejèman anfle pandan aktivite fizik ak nan fen jounen an. Donk, lè wap achte nouvo soulye, ale toujis apre w fin fè aktivite fizik oubyen nan fen jounen an.
Mache pandan wap eseye soulye yo. Pa gen rezon pou w mete soulye atletik pou w ka laji yo gradyèlman. Yo dwe konfòtab kou w mete yo nan pye w.
Se pou gen 1 pous espas nan lajè ant pi gwo zòtèy la ak pwent soulye a.
Talon an pa dwe pense w ni glise lè wap mache.
Soulye yo dwe pliye fasilman nan plant pye w, pati toujis dèyè zòtèy ou.
Apre w fin fè espò, verifye si pye w pa gen okenn blese, koupe oswa zanpoud. Di doktè w sa si yo pa geri.
Ranplase soulye w yo lè semèl yo oubyen anba yo fin fennen oubyen yo fin ize. Si rès soulye a an bon eta toujou, ou ka ranplase semèl yo sèlman.
Si wap mache regilyèman pou w jere pwa w, ou ka gen pou w ranplase soulye atletik ou yo souvan.
Wap fè yon bèl travay jiskaprezan. Donk, mare lasèt ou epi kòmanse deplase!