Fè Pwòp Vinegrèt pou Salad Ou
Èske wap eseye jere pwa w? Si repons lan se wi, salad se yon bon chwa pou yon repa fre, ki chaje ak eleman nitritif. Sepandan, trè souvan, vinegrèt ekreme e ki gen grès yo fè salad yo vin repa ki chaje ak kalori.
Pou w kontinye ak objektif pwa pou w pèdi a, ou kapab aprann fè vinegrèt ki bon pou sante e ki gen gou!
Gate tèt ou ak savè, men diminye kalori nan eseye vinegrèt fre, abaz sitris oubyen yogout. Nan 2 premye vinegrèt yo, moutad bay baz ki ba w sansasyon plezan ke nou asosye ak manje ki gen grès yo. Nan twazyèm resèt la, yogout bay yon teksti kreme ak asid.
Men 3 vinegrèt ki pa gen anpil kalori pou w eseye. Pòsyon an se de gwo kiyè.
Vinegrèt balzamik oranj
82 kalori
Vinegrèt abaz sitris sa a bay bon randman tou kòm yon sòs marinad pou poulè. Melanje l ansanm:
Yon gwo kiyè moutad Dijon.
2 kiyè vinèg balsamik.
Ji 1 gwo zoranj.
Vinegrèt franse
88 kalori
Yon vèsyon vinegrèt klasik la ki pa gen anpil kalori. Melanje l ansanm:
Yon dan lay rache.
2 gwo kiyè vinèg wouj diven.
Yon gwo kiyè moutad Dijon.
Yon gwo kiyè siwo myèl.
Vinegrèt estil ranch
51 kalori
Yogout bay yon ti asid ki gen mwens kalori. Pou yon vinegrèt pi ekreme plis toujou, itilize yogout estil grèk. Melanje l ansanm:
Youn ou 2 dan lay pile.
3 gwo kiyè yogout san grès.
Ji 1 gwo melon.
2 gwo kiyè vinèg wouj diven.
Kounye a ke ou konnen vinegrèt ki pi bon pou sante sa yo, gate tèt ou ak yon salad agreyab. Lage tranch konkonm oubyen kawòt ladan pou w ajoute krakman san w pa ajoute grès.